Јавното претпријатие „Комунална хигиена“ постави 85 нови корпи за отпадоци во Старата скопска чаршија. Надлежните апелираа граѓаните да се грижат за новите корпи, да не ги кршат капаците и отпадот да го одлагаат во корпите, а не околу нив.
„Апелираме до граѓаните да бидат совесни, да не фрлаат околу корпите да не ги уништуваат, за да не ни се повтори истата слика од пред неколку недели. Ќе има поставено редари секаде каде што се поставени и ќе ги упатуваат граѓаните. Корпите ќе се празнат секојдневно, со цел да зачуваме чист, еден од најатрактивните делови за туристите, чаршијата на Скопје”, рече Абфулсамет Шабани, директор на Јавното претпријатие „Комунална хигиена“.
Акцијата за поставување на корпите за отпадоци продолжува утре, при што исти вакви ќе се монтираат на кејот на Вардар.