Речиси половина од направените тестови за Ковид-19 во последното деноноќие се позитивни. Направени се 2553 теста, со позитивен резултат се 1112 или 44 проценти.
Најголема бројка на новозаразени на дневно ниво и натаму има Скопје кој денеска има 321 нови и има 9883 активни случаи.Трицифрена бројка на активни случаи од денеска достигнаа и Прилеп и Тетово. Во Прилеп денеска има 77 нови случаи и во градот во моментов има 1010 активни заболени. Во Тетово денеска бројката е зголемена за 79 новозаболени и градот под Шара сега бори 1004 активни случаи.
И пет скопски општини се со над 1 000 заразени. Водат Гази Баба со 1 472 и Аеродром со 1 424, а по нив се Кисела Вода со 1 204, Карпош со 1 192 и Центар со 1 188 активни случаи во моментов.
Битола која ја достигна бројката од 849 случаи денеска брои најмногу починати, петмина. Четири лица од Скопје во текот на последните 24 часа ја загубија битката со Ковид-19, три лица починаа во Прилеп. Најмладото починато лице е 40-годишник од Македонски Брод, а највозраниот починат е на охриѓанец на 89 години. Шестмина од починатите се на возраст од 40 до 50 години.