Од доставените 71.793 спорни гласачи во Избирачкиот список кои биле испратени за проверка во МВР, за 68.965 гласачи е утврдено дека поседуваат патни исправи, дознава А1он од неофицијални извори од МВР.
Од овие 68.965 гласачи, како што вели изворот, досега за 24.413 е утврдено дека имаат единствено пасоши со живеалиште на македонска адреса, но не и лична карта, која е основа за живеалиште.
Неофицијално, разликата од 24.413 до 68.965 гласачи е се уште во фаза на проверка. Бидејќи тоа е огромна и сложена операција, проценките се дека во најбрз можен рок, проверката може да заврши за минимум 2-3 месеци.
Александар Тодески
