Реализирана акција за подобрување на јавната чистота на Беровско Езеро

Од:

Вработените во беровската подружница на АД Водостопанство на РСМ – во редовна акција извршија чистење на пределот околу Беровско Езеро.
Како што информираше раководителот на подружницата Зоран Аговски, извршено е косење на обрасната трева на повеќе локации.

-Во рамки на подобрувањето на јавната хигиена околу Беровско Езеро собрана е голема количина комунален отпад од пешачката патека околу Беровското Езеро и се окастрени оштетените изданки и гранки. Ова е позитивен пример за тоа како самоиницијативно и институционално треба да делуваме во сферата на општественото живеење, а со цел да си ја заштитиме животната средина и да ја збогатиме туристичката понуда на градот, истакна Аговски.

Градоначалникот на Општина Берово, Звонко Пекевски, поздравувајќи ја оваа позитивна иницијатива, во пресрет на Етно плоштад – фестивалот, кој што за една недела започнува во Берово, најави уште неколку вакви акции за одржување на јавната чистота.

-Ја користам приликата да упатам голема благодарност до сите вработени во АД „Водостопанство на РСМ- подружница Берово“, кои беа вклучени во акцијата. Само со ваквото системско делување кое во пракса треба да го применат сите, ќе си ја зачуваме и негуваме животната средина, рече Пекевски, кој исто така учествуваше во акцијата.

Акции за чистење во наредниот период ќе се спроведат во централното градско подрачје и ќе бдиат опфатени сите места во близина на градскиот плоштад каде од 23 до 27 август, ќе се одржи манифестацијата Етно Плоштад фестивал.

Би можело да ве интересира

Пекевски: Месното население и компаниите да се вклучат во гаснење на пожарот на планината Готен

Во акција на МВР и АНБ: Запленето електронски докази, оружје и куршуми

Затворена е кујната во Домот за стари лица во Берово по појавата на стомачни тегоби

Се откопувале гробови, коските се фрлале на градежна депонија

Утрово насекаде минусни температури, најстудено во Берово -9

МВР: Во тек е полициска акција, се истражува незаконитост со тендери за сервисирање на службени возила

Горан Наумовски