Општина Кочани и Комуналното јавно претпријатие „Водовод“ од Кочани почнаа заедничка акција за почист град и почиста околина за живеење.
За таа цел денеска од раните утрински часови се реализираше собирна акција на кабаст одпад, бела техника, стар мебел и одпад со поголема зафатнина, со единствена цел истиот да се отстрани од домавите и депонира на одредено место во градот Кочани.
– Одѕивот на граѓаните за учество во акцијата е задоволителен. Собирните пунктови на кои граѓаните го одложуваа одпадот беа лоцирани кај Спомен домот АСНОМ, на улицата „Скопска“ кај градскиот панаѓур и кај Железничката станица, ни изјави Дивна Цековска, раководител на Одделнието за комунални дејности во општина Кочани.
Во акцијата се вклучија и граѓани кои имаат одпад со поголема зафатнина. Ним по предходна најава во Комуналното јавно претпријатие „Водовод“ од Кочани навреме им беше преземен отпадот и депониран на соодветно место.
Поради зголемениот интерес на граѓаните, истакнува Цековска, акцијата ќе се реализира и наредниот ден.
Со оваа акција Општина Кочани настојува градот Кочани и понатаму да остане чиста средина за живеење и посакувана дестинација за голем број жители од соседните градови на земјата.