Владата секогаш се труди да излезе со законски решенија кои ќе ги растоварат бизнисите од дополнителни и непотребни давачки, но исто така има и обврска да обезбеди еднакви можности за развој на фирмите. Оттука неказнувањето на неплаќачите на даноци преставува заштита на нелојалната конкуренција и ставање во подредена ситуација на оние кои чесно плаќаат данок во однос на оние кои не плаќаат.
Владата има законска обврска да се спротивстави на ваквите случаи и да води сметка за воспоставување поволни и еднакви услови за развој на бизнисите. За оние кои чесно работат нема санкции, тие се развиваат и напредуваат, санкциите се за оние кои не ги почитуваат обврските.