ВМРО-ДПМНЕ смета дека општината Охрид е типичен пример за раководењето и работата на СДСМ, кои, како што посочуваат од партијата, зад себе оставиле рекорден долг од речиси 40 милиони евра и превработена локална администрација која е пет пати поголема од европскиот просек на локални администрации.
– СДСМ ја користеше локалната самоуправа во Охрид за да ги вдомува партиските војници, наместо да обезбеди услови за инвестирање и отворање на работни места. СДСМ во изминатите години вработиле над 160 лица со договори на дело, што уште повеќе го оптовариле буџетот на општината чија сметка со години е блокирана, се вели во реакцијата на ВМРО-ДПМНЕ на прес-конференцијата на портпаролот на СДСМ, Петре Шилегов.
Овој пример со општина Охрид, стои во реакцијата, можеме да го видиме секаде каде што СДСМ беше и е се уште на власт.
– Тие единствено што успеваат да направат е да ги вработуваат своите послушници и да ги задолжуваат граѓаните без притоа да реализираат ниту еден значаен проект, се наведува во реакцијата.
