Потребно и корисно е да се заменат сите контејнери во Скопје со подземни.
За жал, за тоа нема предвидено пари во Буџетот на Град Скопје за оваа и за следната година, така што ќе остане запаметено само денешното сликањето на Коце Трајановски и Ивица Конески до трите контејнери во општина Аеродром.
Во услови кога Скопје се соочува со рекордна загаденост на воздухот, од Коце Трајановски се очекуваат далеку посериозни мерки за проблемот.
Ниту во нацрт буџетот за 2015 година, Коце Трајановски нема предвидено никакви дополнителни мерки за намалување на загаденоста во Скопје.
За жал, здравјето на сите граѓани на Скопје, без разлика на политичката припадност и идната година ќе остане во заложништво на спомениците, плоштадите и фонтаните на Коце Трајановски и неговиот раскош и луксуз.
Скопје заслужува многу повеќе и многу подобро, реагираат од СДСМ.