Непознат маскиран сторител синоќа извршил разбојништво во обложувалница на улицата „Боро Менков“, во скопската населба Бутел.
Според МВР, настанот се случил околу 21 часот откако сторителот, со закана со пиштол, од вработените одзел неутврдена сума пари од дневниот промет по што побегнал во непознат правец.
Се преземаат мерки за негово пронаоѓање и за целосно расчистување на случајот.