Непознат сторител вчера во 18,20 часот извршил разбојништво во приватна аптека „Голд мун“ лоцирана на ул. „Втора Македонска бригада“ во Скопје.
Полицијата соопшти дека со закана со нож од вработената сторителот го одзел дневниот промет од околу 9.000 денари по што го напуштил местото на настанот и се оддалечил во непознат правец.
Извршен е увид на местото на настанот од страна на увидна екипа од СВР Скопје и се преземаат мерки за целосно расчистување на настанот и пронаоѓање на сторителот.