Пет непознати маскирани лица со качулки на главите, со возило „Голф“, вчеравечер пристигнале на бензинската пумпа „Житоил,“ лоцирана на влезот на тетовското село Сиричино, и извршиле разбојништво.
Како што информира СВР Тетово, кога едниот од нив извадил пиштол, тие му се приближиле на вработениот Д.И (26) и му ги побарале парите, а потоа почнале да го удираат по телото со пиштолот и со клоци и тупаници.Кога го видел тоа, чуварот на бензинската пумпа, кој бил внатре, веднаш избегал и почнал да бара помош.
Но, разбојниците не се откажале од својата намера, влегле внатре, целосно ја пребарале внатрешноста на пумпата и одзеле вкупно 10.552 денари.Со парите, набрзина ја напуштиле бензинската пумпа и избегале во непозната насока.
Полицијата извршила увид на местото и презема мерки за откривање на разбојниците.
Г.М.