Одбрана на обвинетите ќе оди во правец на докажување дека немало никаква намера, волја, умисла на обвинетите да го лишат од живот сега починатиот Саздовски туку дека се работи за насилство. Сметам дека ќе успееме да докажеме дека причина за смртта е металната кутија односно канделабра од ЕВН која се наоѓала на автобуската постројка, изјави адвокатот на обвинетиот Бесир Беља, Насер Рауфи.
– Нема свирепо убиство кај човек кој е во бессознание. Свирепо убиство претставува свест кај сторителот дека жртвата страда, рече Рауфи.
Одбраната ќе ја докажува невиноста на обвинетите преку реконструкција со увид на настан, испитување на обвинетиот и фотографии.
Обвинетите за убиството на 20-годишниот, Никола Саздовски, Бесир Беља и Скендер Демири се изјаснија дека не се чувствуваат виновни за убиството.
Виктор Јованов