Ново покачување на нивото на Охридското езеро, состојбата и натаму загрижува.
Дваесет и шесте сантиметри над максималната кота, големите врнежи во охридско-струшкиот регион и најавата за нови ги принудија надлежните да превземат дополнителни, превентивни мерки.
За да се ублажи состојбата со покачениот водостој, 10-15 кубни метри вода во секунда од реката Сатеска се пренасочуваат кон старото корито.
И Дрим е надојден и претставува опасност за Струга, бидејќи иако се испуштаат над 45 метри кубни езерска вода во секунда, басенот го полнат реките кои дирекно се влеваат во него и тоа со дополнителни 35 метри кубни вода. Голем проблем е и покачувањето на подземните води.
