Здружението за кривично право и криминологија на Македонија и ОБСЕ Мисијата во Скопје денеска ќе организираат научна и стручна расправа на тема „Двојба во корист на обвинетиот – виновен надвор од разумно сомневање“.
На научната расправа ќе учествуваат меѓународни и домашни практичари и експерти, кои имаат за цел да идентификуваат примери на добри практики и да ги дискутираат другите судски примери од предметот на дискусијата.
Од Здружението информираа дека откако ќе бидат донесени препораките и заклучоците од расправата, надлежните организации ќе подготват извештај којшто ќе ги содржи нејзините резултати.