Распаднат човечки леш бил пронајден вчера во близина на горна Матка, на патот кој води кон Козјак. Лешот бил забележан вчера од страна на полициски службеници, а утрово на терен бил повикан и јавен обвинител, кој ќе треба да спроведе истрага.
Лешот бил закопан во дупка и од него, се гледал само горниот дел, односно черепот. Идентификација ќе прават МВР и Обвинителството, за да се открие чиј е закопаниот леш.
„Вчера околу 19.00 часот, полициски службеници при вршење обиколка во Горна Матка, во близина на карпите, пронашле човечки труп во фаза на распаѓање. На местото на настанот се врши увид од увидна екипа од СВР Скопје“, информираа од МВР за „А1он“.
Од утрово, на теренот каде е пронајден лешот, екипи на МВР откопуваат за да го извадат и проверат дали на местото има и други закопани тела.
