Во рамки на посетата на регионот, Генералниот секретар на НАТО Андерс Фог Расмунсен денеска ќе престојува во еднодневна работна посета на Република Македонија.
За време на посетата, како што соопшти МНР, генералниот секретар на НАТО ќе оствари средби со премиерот Никола Груевски, министерот за надворешни работи Никола Попоски и министерот за одбрана Талат Џафери, како и со лидерот на ДУИ, Али Ахмети.
На средбите, како што се соопштува од МНР, Расмусен ќе биде запознат со статусот на прогресот на Република Македонија во однос на имплементацијата на реформските процеси, а со основна цел кон целосна евро-атлантска интеграција и забрзано остварување на членството во НАТО.