Денеска од страна на полициски службеници од Единицата за насилен криминал- Одделение за крвни и сексуални деликти при СВР Скопје до Основното јавно обвинителство Скопје поднесена е кривична пријава против 39-годишниот Ф.У. од Тетово поради основано сомнение за извршено кривично дело „Убиство“ предвидено и казниво по чл. 123 од КЗ на РСМ, извршено на 29.12.2022 на ул.„1737“ во Скопје, кога Ф.У. со употреба на остар предмет – нож го усмртил 64-годишниот А.Д. од Скопје, извести МВР.
– Имено, по добиена пријава дека во напуштена куќа на улица „1737“ во Скопје било пронајдено починато лице со видливи повреди, преземени се мерки и активности од страна на полициски службеници од Единицата за насилен криминал – Одделение за крвни и сексуални деликти при СВР Скопје, обезбедени се материјални докази и утврден е идентитетот на сторителот на кривичното дело Ф.У. (лице кое е осуденик кој требало да биде на издржување на казна затвор во КПУ Идризово Скопје, но во тој период бил во бегство), соопшти МВР.
Ф.У. е приведен од полициски службеници од СВР Скопје и спроведен во КПУ Идризово, а во службен разговор го признал делото.