Општина Гостивар, преку јавните претпријатија “Комуналец” и “Јавни паркиралишта и зеленило” се справи со лизгањето на земјиштето на делницата Лакавица-Србиново, како дел од регионалниот пат Гостивар-Србиново.
До одронување на земјата на ова ридско-планинско подрачје дојде како последица од обилните врнежи од снег и во еден дел земјата го блокира патот со што во одреден период, жителите од овој крај останаа отсечени од градот. По интервенцијата на Општина Гостивар за кратко време патот се врати во нормална состојба.