Со тешки телесни повреди 45 – годишен светиниколчанец вработен во „ЕВН – Дистрибуција“ вчера бил пренесен во штипската болница откако паднал од скала висока три ипол метри. Работел на трафостаница кај градските гробишта во Свети Николе
„ На 04.07.2020 во 09,45 часот во Полициската станица Свети Николе било пријавено дека Р.М.(45) од Свети Николе, вработен во „ЕВН-Дистрибуција“ -Скопје, вршејќи работни задачи на трафостаница кај градските гробишта во Свети Николе се здобил со тешки телесни повреди така што паднал на бетонска подлога од скала од висина од три и пол метри. По настанот Р.М. бил пренесен во Клиничката болница Штип за укажување на лекарска помош“, велат од МВР.
Увид на местотот на настанот извршила екипа од Полициска станица Свети Николе, а за настанот е запознаен јавен обвинител и државен трудов инспектор.