Министерот за животна средина и просторно планирање Абдилаќим Адеми и градоначалниците на Град Скопје и општините ќе одржат работна средба со Интерсекторската работна група за следење на состојбата со квалитетот на амбиентниот воздух и дефинирање на соодветни препораки и мерки кои треба да се преземат за подобрување на квалитетот на воздухот (ИРГ).
Состанокот ќе се одржи врз основа на Заклучок на 104-та седница на Владата на Република Македонија одржана на 11 декември, а ќе биде презентирана досегашната работа на ИРГ, како и начинот на информирање на јавноста при алармантно загадување на воздухот.
Исто така ќе бидат презентирани препораките и мерките што ќе се преземаат при ваквите состојби на амбиентниот воздух во Скопје.