Преку игра и забава децата да се запознаат со Црвениот крст како организација, која е неговата работа и да се развива хуманоста кај нив од најрана возраст, е целта на работилниците што втора година по ред се организираат со децата од големите групи од четирите клона на детската градинка „Павлина Велјанова“.
– Целта на овие десиминациски сесии е преку игра и забава да научат за самата организација на Црвен крст, за амблемот што го користи, за тоа што работи, а воедно да развиваме хумани вредности, солидарност и помош за друго лице кај децата, изјави Анета Коцева, секретар на ОО на Црвен крст Кочани.
Вакви работилници денеска се одржаа во централната градинка, а утре ќе се одржат уште две такви работилници во градинките во населбите „Тикешински лозја“ и „Руен“. Оваа активност која во кочанската градинка се реализира по втор пат е успешно прифатена. Соработката на Општинската организација на Црвен крст Кочани и детската градинка „Павлина Велјанова“ се најавува да продолжи и годинава преку реализирање неколку прокетни активности.