Идентификување на идните потреби за зајакнување на агро-метеоролошкиот сектор, е целта на работилницата што ќе се одржи денеска во винаријата „Стоби“ во Градско.
Ќе се презентираат и резултатите од Проектната компонента „Јакнење на капацитетите на агрометеоролошкиот сектор за одговор на климатските промени“ што ја реализира Управата за хидрометеоролошки работи (УХМР) со финансиска и техничка помош на ФАО.
Проектната компонента е дел од проектот „Намалување на ранливоста на земјоделството кон климатски промени”, финансиран од ФАО, што се спроведе во периодот 2016-2018 година заедно со Министерството за земјоделство, УХМР, средните земјоделски училишта, граѓанскиот сектор и Агенцијата за поттикнување на развојот на земјоделството.
На работилницата ќе присуствуваат претставници од Министерството за земјоделство, УХМР, ФАО, Агенцијата за поддршка и развој на земјоделството, организациите на земјоделци и граѓанските здруженија.
