Националната комисија за борба против трговија со луѓе и илегална миграција на Република Македонија денеска организираше работилница за размена на искуства за остварување на правото на компензација на жртвите од трговијата со луѓе.
Домаќин, како што соопшти МВР, на настанот беше националниот координатор за борба против трговија со луѓе и илегална миграција на Република Македонија, Магдалена Несторовска.
Покрај претставниците од Националната комисија, Секретаријатот на Националната комисија, меѓународните организации и претставници од граѓанските здруженија, на настанот учествуваат и претставници од Република Косово, кои директно работеле на изготвување на Законот за компензација на жртви од кривични дела .
Целта на Работилницата беше презентирање на добрите пракси и искуства за изработка и имплементација на косовскиот Закон за обештетување на жртвите од кривични дела, искуства кои ќе бидат од бенефит при изработка на Законот за фонд за компензација на жртвите на насилен криминал во Република Македонија.