Министерството за животна средина и просторно планирање (МЖСПП), Програмата за развој на Обединетите Нации (УНДП) и Германско друштво за интернационална соработка (ГИЗ) денеска организираат воведна работилница за анализа на ранливост на културното богатство од климатските промени.
Анализата се спроведува во рамките на проектите „Трет национален извештај за климатски промени“ и Проектот за адаптација на климатските промени во Западен Балкан за што е ангажиран Институтот за управување со културното наследство преку консултантите д-р Мајкл Шмит и д-р Брита Рудолф од Германија.
Шмит и Рудолф ќе направат анализа, како климатските промени влијаат на културното наследство во нашата држава и акциски план со предлог-мерки за адаптација и соодветна заштита.
На овој начин, сите релевантни страни ќе се запознаат со важноста на поврзувањето на климатските промени со археолошките и историските структури што е национален и регионален предизвик, бидејќи не постојат претходни студии кои вршат процена на влијанието на климатските промени врз културното наследство и ќе се овозможи вградување на климатските промени во релевантните секторски политики и планови за заштита на културното наследство на национално и локално ниво.