Општина Гостивар попладнево ја предаде во употреба нова улица во населбата „Млаки“, долга 350, а широка пет метри.
Изградбата на новата улица и поплочувањето се финасирани со пари од општинскиот буџет. Уредениот простор зафаќа површина од околу 1.700 метри квадратни, а вредноста на инвестицијата е околу 30 илјади евра.
– Населбата Млаки ја сметаме за една од најважните периградски населби во градот. Тука, во изминатите четири години реализиравме повеќе проекти, а денеска ја промовираме шестата улица. На овој начин во битна мера ги подобривме условите и го олеснивме животот на граѓаните, рече градоначалниот Невзат Бејта.