Кафулињата ќе бидат полни и зимно време. Летните тераси заградени со стакло, украсени со жардинери и загревани со греалки, ќе им го направат попријатно кафето на пушачите и ќе им го зголемат прометот на сопствениците, пишува денешен „Вест.“
За разлика од лани, кога не смееше да се заградува надворешниот простор на локалите, годинава, одлуката е променета поради Законот за заштита од пушење, каде според Правилникот за поставување урбана опрема на јавна површина, усвоен од Советот на Град Скопје, височината на преградите може да биде 1,50 метри. Дозволено е да се оградува со материјали кои не се фиксни како стакло, плексиглас и слично, пишува весникот и додава дека засега правилата се почитуваат, но надлежните инспектори ќе ја следат состојбата на терен.