Непознато машко лице доцна синоќа пукало кон возило во движење со кое управувал Н.З. (33) од село Бојане.
Како што соопшти полицијата, Н.З. не е повреден, но искршено е стакло од неговиот „Форд Ка“.
Немлиот настан се случил околу 00:40 часот додека Н.З. се движел кон својот дом. Непознатото машко лице кое пукало возело „Ауди“.
По настанот, Н.З. отишол дома. Увид на местото на настанот извршила екипа од СВР Скопје. Се преземаат мерки за пронаоѓање на сторителот и за целосно расчистување на настанот.