Во СВР Скопје денеска е пријавено дека во 17:00 часот на улица „Методија Митевски“ пред продажен објект, полицискиот службеник , кој во моментот не бил на работа, се обидел да запре две лица за кои се посомневал дека ќе извршат кривично дело во објектот.
Како што потврдија од МВР, кон полицаецот бил испукан проектил од огнено оружје, при што тој се здобил со повреда во раката и бил префрлен во здравствена установа за укажување на лекарска помош.