Вооружен инцидент се случи вечерва во скопската населба Чаир. Било пукано во близина на маркетот „Веро“ во оваа населба.
„На 05.10.2024 во 20.20 часот пријавено е дека на ул. Цветан Димов во Скопје има повредено лице од огнено оружје. Според пријавеното, во повредениот било пукано од возило “пасат”. Повредениот е пренесен во ГОБ Св.Наум Охридски за укажување помош. Се преземаат мерки за расчистување на случајот“, велат од МВР.
Силно полициско присуство има вечерва на улицата Џон Кенеди, а на терен се присутни и специјалци.