Ноќеска во 03.00 часот, полицијата во кичевското село Зајас привела 46-годишник од кичевското село Бачишта, на привремена работа во Австрија, информираше МВР.
„Тој на семејна веселба во истото село неовластено испукал повеќе куршуми од пиштол ‘Смит и Весон’, сопственост на неговиот татко Р.У.(64) од истото село, кој го поседувал со дозвола. Притоа, Е.Е.(33), М.Р.(57) и една малолетничка, сите од селото Бачишта, кои биле на веселбата, се здобиле со повреди и биле пренесени во Итната медицинска помош во Кичево, каде им биле констатирани тешки телесни повреди. Од Р.У. бил одземен пиштолот и 300 куршуми, кои ги поседувал со дозвола. По целосно документирање на настанот, ОВР Кичево ќе поднесе соодветни пријави“, се вели во соопштението на МВР.