Локалната акциска група „Бојмија“ која неодамна беше формирана од општините од југоисточниот регион, во Богданци ја одржа првата работилница за усогласување на стратегијата за рурален развој со националните политики и програми на ИПА механизмот.
Претседателот на Управниот одбор, Митко Влахов ги претстави активностите за рурален развој на ЛАГ „Бојмија“, а претставникот од Центарот за локален развој од Радовиш, Александар Јашков ја презентираше националната стратегија за рурален развој на Република Македонија.
Во текот на дискусијата беа дадени насоки, сугестии и забелешки во однос на усогласувањето на стратегијата за локален развој на ЛАГ „Бојмија“ со националните политики и програми на ИПА механизмот, а беа одговорени и сите актуелни прашања кои беа поставени од страна на присутните учесници.
Работилницата во Богданци се одржа во рамки на проектот за зајакнување на капацитетот на граѓанските иницијативи за регионално и микро-регионално вмрежување за рурален развој во источниот и југоисточниот плански регион, кој е финансиран од ЕУ преку ИПА 2 механизмот за граѓанските организации.