„Прв до врв“ е манифестацијата со која скопјани со масовно качување ќе го прослават постоењето на планината Водно и ќе одбележат две години од почетокот со работа на Жичницата на Водно. Манифестацијата ја организираат Градот Скопје и Јавното сообраќајно претпријатие (ЈСП) и ќе се состои од натпреварувачки и забавен.
– Скопјани го имаат Водно, планина што ретко кој град на Балканот, па и во Европа ја има, каде што со жичницата и пешачките патеки им се овозможува рекреирање на граѓаните, изјави градоначалникот на Скопје Коце Трајановски
Прв до врв, рече тој, е добро смислен наслов со што граѓаните нема да се натпреваруваат, туку целта е да се мотивираат луѓето за поголемо искористување на Водно.
Директорот на ЈСП го поздрави настанот и ја најави големата ноќна забава со почеток во 22 часот со ДЏ елитата од Македонската сцена.
Качувањето ќе почне во 9 часот пред ОУ „Кочо Рацин“ а Велосипедската трка на „Солидарност “ во чест на 50 години од скопскиот земјотрес ќе стартува во 10 часот од истото место.
Натпреварувачите ќе добијат сертификат за учество а најдобрите ќе бидат наградени со пехари, производи и парични награди. Имињата на најбрзите учесници во трките ќе бидат испишани на трајна табла која ќе биде поставена на врвот на Водно.