Протоколот за НАТО утре пред естонските пратеници

Од:

Протоколот за членство на Северна Македонија во НАТО утре ќе се најде пред естонските пратеници.

Документот е ставен на дневен ред на седницата на Парламентот на Естонија, која ќе биде 17та земја што ќе го ратификува Протоколот, откако тоа минатата недела го стори германскиот Бундестаг.

Шеснаесет од 29 земји членки го официјализираа пристапувањето на Северна Македонија во најголемиот воено-политички сојуз во светот.

Властите во земјава, но и високите претставници на Алијансата се надеваат дека целиот процес ќе заврши до декември, кога се одржува Самитот на НАТО во Лондон.

На декемврискиот Самит, Алијансата одбележува 70 годишнина, а тоа се смета за добра можност Северна Македонија да стане 30та членка. Сепак доколку процедурата не биде завршена дотогаш очекувањата се земјата и официјално да стане дел од НАТО и да учествува во процесот на носење политички одлуки на почетокот на следната година.

Амбасадорите на 29. земји-членки на 6 февруари во седиштето на НАТО го потпишаа Протоколот за членство, а прва го ратификуваше Грција. Комисијата за надворешни работи на американскиот Сенат утре ќе има сослушување поврзано со пристапувањето на Северна Македонија во НАТО.

Би можело да ве интересира

ВМРО-ДПМНЕ реагира на пресот на СДСМ: Лага е дека ќе се вработуваат 3000 лица

Реакција од министерството: Изет Меџити ги има сите овластувања да управува со институциите

Кузеска: Историски најголема партизација, 3000 партиски кадри ќе вработи Изет Меџити

Левица: ЕВН легално ги краде граѓаните преку сметките за струја

Предраг Петровиќ

ДУИ: Изет Меџити останува без надлежности во Министерството за животна средина по обвинувањата за корупција и уцена

Предраг Петровиќ

Мицкоски од Вашингтон: Mакедонската заедница во САД го поддржа претседателот Трамп за изборите

Предраг Петровиќ