Здружената опозиција од денеска на пладне ги радикализира протестите со блокирање на три одеднаш, наместо на една раскрсница. Точно на пладне опозицијата ги блокира крстосниците на Партизанска пред „Симпо“, мостот „Гоце Делчев“ кај Владата и раскрсницата пред Тутунскиот комбинат кај Стара рампа.
Опозицијата апелира до граѓаните за трпение и поддршка на блокадите, зашто тие се организираат за ослободување од режимот на власта кој како што велат секојдневно ја одзема нивната слобода.
Вечерва во 18 часот опозицијата со протестен марш продолжува по улиците и плоштадот на Куманово.