Протест во Даме Груев: Наместо во нивната населба, жителите се впишани дека живеат во Ново село

Од:

Жителите на скопската населба Даме Груев или попозната како Геге, излегоа на протест, блокирајќи ја главата сообраќајница. Тие се револтирани бидејќи во нивните лични карти е додадено дека живеат во Ново село, место кое се наоѓа веднаш до Даме Груев. Со тоа, сметаат дека се брише нивната населба и се припојува со соседното населено место. Дека постои проблем, призна и градоначалникот на Ѓорче Петров, Александар Наумоски.

Тој не објасни како е направена ваква промена во личните карти и зошто жителите на Даме Груев се пишани дека живеат во Ново село. Најави дека ќе се изврши корекција, но и тогаш нема да стои името на населбата Даме Груев во личните карти, туку името на општината Ѓорче Петров.

Според жителите кои протестираат, името на населбата е избришано од сите официјални документи. Тие бараат итна промена и враќање на името на населбата, кое бараат да е впишано и во личните карти, пред улицата и бројот. Ниту тие, не добиле објаснување од градоначалникот Наумовски зошто е направена ваква промена во документите поврзана со местото на живеење.

Од општината Ѓорче Петров, на чија територија се наоѓа населбата Даме Груев, велат дека побарале од Град Скопје да се изврши корекција во личните карти за жителите на Даме Груев и да се впише името на улицата и бројот со населеното место Ѓорче Петров како живеалиште.

„Согласно член 8 од Законот за определување на имиња на улици, плоштади, мостови и други инфраструктурни објекти не може да се врши промена на имињата шест месеци пред одржување на редовните локални избори и една година пред планиран попис. Очекуваме дека по спроведувањето на пописот и локалните избори, во меѓусебна комуникација помеѓу Централен Регистар и Министерството за внатрешни работи, позитивно ќе се реши проблемот, согласно барањето на граѓаните на УЗ Даме Груев“, напиша градоначалникот Наумоски.

Би можело да ве интересира

Апел од Бочварски и Наумоски: Опозицијата да го одблокира носењето на законот за нов Клинички центар

Ана Ололовска

Општина Ѓорче Петров: Лага е дека градинката Детелинка нема греење

Ана Ололовска

(ВИДЕО) Апостолоски: Над две недели градинка во Ѓорче Петров е без греење во услови на епидемија

Ана Ололовска

(ВИДЕО) Трајчевски: Се реконструира улица Радушка, инвестираме во развој на инфраструктурата во Ѓорче Петров

Ана Ололовска

(ВИДЕО) Апостолоски: Главниот виновник за урбаното дивеење во општина Ѓорче Петров е градоначалникот Александар Наумоски

Ана Ололовска

(ВИДЕО) Ѓорѓевски: Пропадна обидот на ВМРО-ДПМНЕ „шамарите“ од Центар да ги спроведе во општина Ѓорче Петров

Ана Ололовска