Жителите на струшкото село Подгорци втор ден протестираат против нелегалната сеча на огревно дрво во атарот на селото.
Претседателот на месната заедница Мирсад Реџоски информира дека сите активности окoлу сеча и транспорт на дрво од Јавното претпријатие „Македонски шуми“ ќе бидат стопирани се додека не се направи комплетна ревизија, истрага и надзор на лице место.
– Вчера на лице место жители од Подгорци и со службени лица од ЈП „Шумско стопанство“, кои изготвија записник дека бесправно, нечекирани се исечени околу 500 високо стеблести дрва, тврди Реџоски.
Месното население бара од Министерството за земјоделство, шумарство и водостопанство под хитно да преземи конкретни активности и мерки за решавање на проблемот во населбата Подгорци.
Ѓоко Маркоски инспектор во Шумска полиција рече дека екипите се на терен и најави официјално соопштение во текот на денот.