Стотина граѓани се собраа на протестот „Градот хуман пак ќе никне“ во огранизација на Анима мунди против изживувањето врз бездомните животни.
Со транспаренти „Од убиство на животни, до убиство на луѓе има само еден чекор“, „Убивате бездомни кучиња, да смеете ќе убивате и луѓе“, „Коце, се што прета ти смета“, граѓаните и претставниците на здруженија за заштита на животните точно на пладне протестираа на плоштадот Македонија.
Тие бараат:
– Итен прекин на убивањето во Вардариште, раскинување на договор за работа со Ветеринарната болница Автокоманда, а ветеринарите да бидат казнети за нехумано убивање во стационарот,
– Влез на активистите за заштита на животните во Вардариште како овластено тело за надзор на спроведување на Програмата на град Скопје,
– Отпуштање на дел од вработените во Вардариште препознатливи по нехуманоста кон кучињата
– Прекин на самоволното заловување на веќе стерилизирани, третирани и обележани кучиња,
– Забрана за заловување на малите кутриња, кои не се предмет на Програмата,
– Овозможување на граѓаните да си ги повлекуваат локалните миленици од стационарот
– Инспекторите на Град Скопје да запрат со изживување врз сопствениците на миленици и оние кои се грижат за животните,
– Најстроги казни за инспекторите кои ги надминале законските овластувања,
– Агенцијата за храна и ветеринарство да одговори на пријавите од здружението и да одговори на пријавите и да изрече соодветни и казни за секое институционално или индивидуално прекршување на Законот за заштита и благосостојба на животните.