Најмалку 15 илјади припадници на ранливите категории ќе останат без бесплатни средства за превенција и рано откривање на ХИВ вирусот откога владата донесе одлука да го скрати буџетот за превенција и лекување.
Од здружението ХОБС велат дека кратењето на дури 59 проценти од буџетот ќе донесе зголемување на стапката на нови заразени.
Според нив министерството нема да го издржи товарот да ги покрие трошоците бидејќи досега велат 12 години половина од трошоците го покривал Глобалниот светски фонд чија донација завршува до крајот на годинава.
Како што велат, министерството ќе издржи само 6 месеци а потоа се оставени сами на себе. Тие од надлежните бараат да се врати стариот буџет од 65 милиони денари кој по измените изнесува само 27 милиони.
-Во буџетот од 2017 година 15.000 припадници на групи под најголем ризик од ХИВ ќе останат без бесплатни средства за превенција и брзи тестови за рано откривање на ХИВ што според здружението може да донесе нови инфекции за 19 проценти и нови смртни случаи за 5 %, велат од здружението.
Виктор Јованов