Пред винаријата „Стефани“ во Кавадарци денеска протестираат лозари барајќи ги заостанатите пари за предаденото грозје од 2010 година наваму. Тие бараат промена на состојбите во лозовинарскиот сектор и Законот за вино донесен од претходната власт.
Лозарите се револтирани бидејќи досега имало промена на сопственичката структура во винаријата, па не знаат како да ги наплатат побарувањата.
Тие го повикаа министерот да дојде и да разговара со земјоделците и највија дека ќе блокираат патишта и ќе преземат порадикални мерки доколку тоа не се исполни. Според Трајче Кулев, иницијатор за формирање на ново Здружение на лозари, има земјоделци кои имаат за земање и по пет до десет илјади евра.
Како што кажа тој, оваа винарија должи на лозарите можеби и до милион евра, а тие не знаат каде да се обратат и најавија протести се до конечната исплата.