Граѓанската иницијатива „Протестирам“ вечерва протестираше пред административната зграда на општина Битола.
Учесниците на протестот ги повторија познатите барања за оставки на претседателот на Република Македонија Ѓорге Иванов и на градоначалникот на општина Битола Владимир Талески, а во своите обраќања посебен акцент ставија на социјалната правда.
– Бараме социјална правда и да запре уништувањето на работничкото движење. Синдикатот на образованието, науката и културата-СОНК е пример за политизирање и работничка негрижа, рекоа меѓу другото граѓанските активисти на собирот во Битола.
Протестот на „Протестирам“ заврши мирно со подарување велигденски јајца на полициското обезбедување, по што учесниците се разотидоа, а сообраќајот на булеварот „1.Мај“ продолжи да се одвива без прекин.
