Граѓански организации од Битола, нездоволни граѓани и претставници на опозициските партии од овој град повторно протестираа пред зградата на локалната самоуправа.
Протестот вечерва почна од плоштадот „Магнолија“, а заврши пред административните простории на општина Битола каде дел од демонстрантите имаа близок контакт со полицијата. Поединици фрлаа кеси со боја врз фасадата на општинската зграда.
Учесниците на протестот ги повторија барањата кои јавно ги соопштуваат неколку последователни вечери – повлекување на одлуката за аболиција на шефот на државата и оставка на градоначалникот Владимир Талески.