По тридневна потрага денеска во 12 часот пронајдено е безживотното тело на 18-годишното момче кое се удави во водите на вештачкото езеро „Глажња“ во Думановце.
Во потрагата по Јетмир Османи од скопско Љуботен вклучени беа припадниците на специјалната единица за нуркање, а на барање на семејството се вклучија и нуркачи од спортско друштво од Косово.
Увидот на полицијата се уште трае, а на местото на несреќата присутен е и јавен обвинител.
Момчето во саботата околу 14 часот влегло во езерото за да се разлади, по што исчезнал. Веднаш била повикана полиција по што започна потрагата.