Во кичевското село Орланци вчера околу 11,00 часот пронајден бил починат М.Т.(1942) од Кичево, кој бил со видливи изгореници на главата, вратот, горните екстремитети и на десната нога.
МВР денеска соопшти дека тој на 13.07.2016 година заминал од Кичево во село Орланци. На местото каде е пронајден починатиот на 13.07.2016 година околу 10,00 часот настанал пожар на трева и нискостеблеста шума, по што околу 12,00 часот интервенирала и екипа на ТППЕ-Кичево.
На 15.07.2016 година починатиот бил пронајден од страна на членови на семејството. Телото е предадено на семејството за погреб.