При контрола на товарно возило со македонски регистарски таблици вчера кај местото викано „Касарна“ во Гевгелија полицијата пронашла 79 мигранти. Возачот на возилото е лишен од слобода и предаден за натамошна постапка.
Како што информира МВР, товарното моторно возило „мерцедес атего“ со скопски регистарски ознаки управувано од В.Ќ.(25) од Богданци-Стојаковово било сопрено во 12:15 часот од страна полициски службеници од Полициската станица за Граничен премин и граничен надзор „Богородица“ со полициски службеници од Република Унгарија, во Гевгелија на место викано „Касарна“.
По извршената проверка било утврдено дека возилото било сопственост на И.С.(32) од Скопје.