Во Министерството за надворешни работи денеска ќе се одржи промоција на можностите за учество на македонските невладини организации и администрацијата во програмите на Меѓународниот Вишеградски Фонд за соработка со земјите од Балканот.
Настанот ќе го отворат министерот за надворешни работи Никола Попоски, амбасадорот на Република Словачка, Мартин Безак и извршната директорка на Меѓународниот Вишеградски Фонд, Карла Вурстерова. На промоцијата ќе присуствуваат претставници на невладиниот сектор и администрацијата од Македонија.
Меѓународниот Вишеградски Фонд е институција на Вишеградската група која ја сочинуваат Полска, Чешка, Словачка и Унгарија, преку која се финансираат проекти за регионална соработка во областа на образованието, културата, младите, развојот на граѓанското општество и друго.