Коалицијата на младински организации СЕГА денеска ќе го промовира проектот „Отворена врата – за младите од младите“.
На промоцијата, според организаторот, ќе се дискутира за можностите за кариерно советување и насочување на младите во насока на зголемување на нивната вработливост.
Промоцијата ќе биде во новиот Инфо – кариерен центар за млади во Скопје, лоциран во Работничкиот универзитет „Кочо Рацин“ во Скопје. Предвидено е да се обратат директорот на П.О.У. Отворен граѓански универзитет за доживотно учење „Кочо Рацин“ – Скопје Мане Колев, директорката на Центарот за вработување на Град Скопје Слободанка Алексовска и менаџерот на проектот „Отворена врата – за младите од младите“ Зоран Илиески.