Фондацијата Конрад Аденауер и Македонското здружение на млади правници (МЗМП) денеска во Скопје ќе промовираат Прирачник за спречување на корупцијата во локалната администрација.
Прирачникот е подготвен во соработка со Министерството за информатичко општество и администрација. Тој е изготвен како практична алатка која ќе им послужи на државните службеници и вработените во локалната самоуправа во секојдневното работење, придонесувајќи кон јакнење на доброто владеење на локално ниво.
Прирачникот е на располагање на македонски и албански јазик, а ќе биде дистрибуиран до сите единици на локалната самоуправа.