Кандидатот за градоначалник на Општина Чешиново-Облешево од редовите на ВМРО- ДПМНЕ Костадин Личков на денешната прес-конференција презентираше дел од својата програма за претстојните локални избори.
– Пред граѓаните на општината Чешиново-Облешево можам да се обврзам дека ќе работиме да ја добиеме довербата, промовирајќи притоа концепт на чесна, одговорна и отчетна работа, рече Личков.
Со програмата, додаде тој, нудиме проекти од сферата на комуналната, патната инфраструктура, земјоделството како најважна дејност на граѓаните од нашиот крај, културата, образованието, спортот, а сето тоа, како што рече, како плод на соработката со граѓаните.