На 23 и 24 септември 2016 година (петок и сабота), во Мобилната/монтажната галерија ЦАЦ во Паркот на франкофонијата во Градски парк и во Капан ан во Стара чаршија, ќе се одржат низа настани за промоција на националната кампања против ксенофобија „Деца на планетата Земја“, со што завршуваат активностите кои Фондацијата Отворено општество – Македонија (ФООМ) ги спроведуваше во рамки на концептот Хуманитарна и правна помош за мигранти од 1 септември 2015 година наваму, а во соработка со партнерските организации Легис, Македонско здружение на млади правници и Хелсиншкиот комитет за човекови права на РМ.
За промотивните активности од националната кампања, беше проширено партнерство на ФООМ и со Младински образовен форум, АКТО-ФРУ/ПОП АП АКТО фестивал, Фондација Метаморфозис и Фондацијата Фридрих Еберт – Скопје, а како резултат на тоа произлезе и соработката и придонесот кон овогодинешната програма на ПОП АП АКТО фестивалот во Скопје, со што беше овозможена отворена комуникација и соработка со уметноста во промоцијата на човековите права и слободи.
Бројните музички и уметнички настани и интересните дискусии кои се дел од оваа промоција имаат за цел да придонесат заедно да се потсетиме дека сите ние имаме право да живееме мирно, слободно и безбедно и дека сме способни да ги надминеме растечкиот страв од туѓинци и омразата кон различните од нас.
Концептот на ФООМ за Хуманитарна и правна помош за мигрантите се спроведува од 1 септември 2015 година до 30 септември 2016 година во соработка со партнерските организации Легис, Македонско здружение на млади правници и Хелсиншкиот комитет за човекови права на РМ. Негова цел беше да придонесе кон подобра заштита на правата и испораката на услуги за мигрантите и азилантите за време на нивното транзитирање низ Македонија. Како дел од концептот, партнерот и грантист на ФООМ, НВО ЛЕГИС, обезбедуваше хуманитарна помош (храна и хигиенски пакети) за мигрантите на северната и јужната граница на Република Македонија. Дополнително, правна помош беше обезбедувана од Хелсиншкиот комитет за човекови права на РМ и Македонското здружение на млади правници. Концептот, исто така, се залагаше за отворање на простор за социјална дебата за прашањата поврзани со миграцијата преку застапување за подобри политики и практики и финално преку кампања против ксенофобијата.
Програма
Време: 21.00-00.00 ч.
Место: Мобилна/монтажна галерија ЦАЦ, Парк на Франкофонија (Градски парк)
Музички изведувачи во соработка со ПОП АП АКТО:
- Sweet Rapscalions / МКД
- РИБ / МКД
- FC Apatride UTD / СРБ
Време: 00.00-05.00 ч.
Место: Капан Ан, Стара чаршија
Музички изведувачи во соработка со Десонанз и ПОП АП АКТО:
- Grimes Adhesif / АНГ
- Pizza Noise Mafia/ БЕЛ
- Kanton 6 / МКД
- Darko Jordanov / МКД
Визуелизации: Lazy Kidz Visualz / МКД
| 24 септември 2016 (сабота) |
Времетраење на програма: 11.30-21.00 ч.
Место: Мобилна/монтажна галерија ЦАЦ, Парк на Франкофонија (Градски парк)
Пункт за достава на донации: 11.30-21.00 ч.
Видео бокс, интерактивни игри, работилници, изложби и инсталации: 11.30-19.00 ч.
________________________________________________________________
11.30 – 12.00 – Најава на програма
12.00 – 14.30 – Јавна дискусија: УМЕТНОСТ ЗА ПРОМЕНИ , одговорноста на уметникот во време на политичка и општествена криза (во соработка со ПОП АП АКТО)
Соговорнички парови:
Владимир Милчин, театарски режисер / Македонија – Златко Паковиќ, театарски режисер/ Србија
Слободан Унковски, театарски режисер / Македонија – Зоја Бузалковска, театарски режисер/ Македонија
Небојша Миликиќ, уметник и куратор / Србија – Алберт Хета, уметник и критичар/Косово
14.30 – 16.30 – ДиЏеј сетови со Бојана Низам и Гето Руди (во соработка со РадиоМОФ)
16.30 – 18.30 – Јавна дискусија: Млади работници и перспективи (во соработка со Фондацијата Фридрих Еберт – Скопје)
Модераторка: Дона Костуранова
Говорници:
Марија Топузовска Латковиќ – Институт за социолошки и политичко-правни истражувања на РМ
Андреј Јованчевски
Кирил Дончов
Горан Трајков
19.00 – 20.00 – Перформанс „Нивниот пат“ (во соработка МОФ и Наталија Теодосиева и Јаков Спасов)
20.30 –21.00 – Лепи Џони, акустична музичка изведба (во соработка со ПОП АП АКТО)
11.30 – 19.00 ч.: Отворени пунктови, уметнички инсталации, изложби, работилници и проекции:
- Изложба „Ана Франк – Историја за денес”, МОФ и Ана Франк Хаус – Холандија
- Изработка на стенсил со Стелиос Цивас, Кипар на тема: Бегалци на отворено, МедиаАрт – МОФ
- Работилница за изработка на маици со пораки
- Друштвена игра „До новиот почеток“, МОФ
- Плакати/ѕидни весници насловени „Човек на патот“, посветени на мигрантите, проект на Небојша Миликиќ, Ана Виленица и Тадеј Курепа
Пунктови и ВИДЕО БОКС – поставка „Слики за масите“
Уметници и дела:
Пункт 1: Желимир Жилник – филм „Србистан“
Презентација: Тадеј Курепа
Пункт 2: Селекција на видеа од Тадеј Курепа, Србија
Пункт 3: Селекција на видеа во соработка со регионалната мрежа „Урбано зуење“ и проекција на видео сторијата „Поделен град“ на Љубиша Арсиќ во рамки на проектот „Скопје ретровизор“ на Плоштад Слобода
Пункт 4: Селекција на видеа во соработка со Хелсиншкиот комитет за човекови права на Република Македонија, Коалицијата „Сексуални и здравствени права на маргинализираните заедници“, Скопје и организацијата Квир, Загреб
Пункт 5: Уметнички видеа
- видео „Белвил“ од Владан Јеремиќ и Рена Радле, Србија
- видео „Легендарниот пес“ од Албан Муја од Албанија
- видео „10 дена Грција 2016“ од Матија Краљ, Хрватска
| Пункт 6 за донации, собираме:
1. Сервиси за јадење во целост или одделни парчиња на: – Плитки и длабоки чинии – Лажици, вилушки и стаклени чаши за кујните во камповите
2. Потреби на деца во занимални и активности во камп: – Играчки, – Разни едукативни боенки,блокчиња, боички, фломастери, школски прибор … |
| 25 септември 2016 (недела) |
Време: 10.00-15.00 ч.
Место: Пограничен камп, Гевгелија
Достава на донации
Музички настап и
Интерактивна забава за деца
Соработници на Фондацијата Отворено општество за активностите предвидени во програмата се: Младински образовен форум, АКТО-ФРУ (ПОП АП АКТО фестивал), Хелсиншки комитет за човекови права, Фондација Метаморфозис, Фондацијата Фридрих Еберт – Скопје активисти, волонтери, експерти, луѓе кои престојуваат во пограничните кампови и луѓе чија припадност се врзува со маргинализирана или малцинска група во Република Македонија.
Повеќе детали за програмата:
Деца на планетата Земја: ТУКА
ПОП АП АКТО: ТУКА