Eлектронска еколошка платформа „Екосфера“ ќе биде промовирана денеска во Скопје. Целта на платформата е да им помогне на еколошките здруженија активно да учествуваат во консултативните процеси, да разменуваат информации со надлежните институции, медиуми и експерти, да развиваат партнерства и да соработуваат, да ги следат влијанијата врз животната средина и еколошките трендови на локално и национално ниво и да ја подобрат својата отчетност пред јавноста.
На промовијата на платформата ќе се обрати заменик- министерот за животна средина и просторно планирање Стево Темелковски.
Проектот го подготвија Центарот за истражување и информирање за животната средина „Еко-свест“ од Скопје и Центарот за едукација, заштита на животната средина и природата „Биосфера“ од Битола, во соработка со министерствата за животна средина и просторно планирање и за информатичко општество и администрација, а со финансика поддршка од Програмата за мали грантови на Глобалниот еколошки фонд.